يو مهم تاريخي او څېړنيز اثر دی چې پکې د لرغونو آريايانو تاريخ، ټولنيز جوړښت، کلتور، ژبه او تمدني ځانګړتياوې په تفصيلي ډول تشريح شوې دي. مؤلف هڅه کړې ده چې د تاريخي او ژبني شواهدو پر بنسټ د لرغونو آريايانو د ژوند بيلابيل اړخونه روښانه کړي.
په دې کتاب کې د لرغونو آريايانو او پښتنو ترمنځ ژبنۍ، کلتوري او ټولنيزې ورتهوالۍ هم څېړل شوې دي او د دودونو، روايتونو او ژبني جوړښتونو له مخې د دواړو ترمنځ د اړيکو امکان تشريح شوی دی. دا اثر د آريايي تاريخ، پښتني هويت او لرغوني تمدنونو د څېړونکو لپاره يو ارزښتناک ماخذ بلل کېږي
