دا کتاب په افغانستان کې د جګړو پر مهال د ترسره شوو جنګي جنایتونو، بشري حقونو د سرغړونو او انساني فاجعو هر اړخیزه څېړنه وړاندې کوي. لیکوال هڅه کړې چې د بېلابېلو دورو جګړو پر مهال د ملکي وګړو، اسیرانو او بېوسه خلکو پر وړاندې شوي ظلمونه مستند او تحلیلي ډول بیان کړي.
په کتاب کې د نړیوالو قوانینو له نظره د جنګي جنایت مفهوم، د قدرت د سیالیو تر شا پټې معاملې، او د جګړې قربانیانو دردناک روایتونه راټول شوي دي. همدارنګه د عدالت، حساب ورکونې او تاریخي مسئولیت موضوع ته ځانګړې پاملرنه شوې ده.
دا اثر د سیاسي تاریخ، بشري حقونو او عدالت غوښتنې مینهوالو لپاره مهمه سرچینه بلل کېږي، ځکه چې لوستونکي دې پوښتنې ته متوجه کوي: آیا د جګړو مجرمین به کله د عدالت مېز ته راکش شي، او که د تاریخ په تیارو کې به ورک شي
