د افغاني جرګې ټولنیز او رواني ارزښتونه
دا کتاب د افغاني جرګې د تاریخي، ټولنیز او رواني بنسټونو هر اړخیزه څېړنه وړاندې کوي. جرګه د افغانانو له پخوانیو دودیزو ټولنیزو نظامونو څخه ده چې د شخړو د حل، عدالت ټینګښت، مشورې، پرېکړې او ټولنیز یووالي مهم رول لري.
په دې اثر کې د جرګې اغېز پر فردي او ټولنیز روان، د خلکو ترمنځ د باور رامنځته کول، د سولې فرهنګ، ګډ مسؤلیت، ملي یووالی او ټولنیز ثبات په علمي او تحلیلي بڼه څېړل شوی دی. همدارنګه کتاب دا څرګندوي چې جرګه څنګه د قانوني او اخلاقي ارزښتونو تر څنګ د خلکو پر ذهنیت، احساساتو او ټولنیز چلند اغېز کوي.
دا کتاب د څېړونکو، محصلینو، ټولنپوهانو، روانپوهانو او هغو کسانو لپاره ارزښتناک اثر دی چې غواړي د افغاني ټولنې دودیزو بنسټونو او د هغوی ژور ټولنیز او رواني اهمیت وپېژني.
