«پر ژبپوهنه د ارواپوهنې اغېز» یو علمي او څېړنیز اثر دی چې د ژبې او ذهن ترمنځ اړیکه په تحلیلي او اکاډمیک ډول څېړي. په دې کتاب کې ښودل شوې چې ژبه یوازې یو فزیکي غږیز سیستم نه دی، بلکې ژوره ذهني او رواني بنسټ لري. هره کلمه، فونیم او معنا د انسان له اروايي حالت، فکر او ادراک سره تړاو لري.
اثر د ژبپوهنې او ارواپوهنې د ګډې څانګې ــ «ارواژبپوهنه» (Psycholinguistics) ــ بنسټیز مفاهیم تشریح کوي او دا روښانوي چې څنګه ژبه د انسان د ذهني بهیرونو، احساساتو، حافظې او ادراکي فعالیتونو استازیتوب کوي. لیکوال د نظریاتو، علمي څېړنو او عملي بېلګو له لارې د دې دواړو علومو متقابل اغېز بیان کړی دی.
دا کتاب د ژبپوهنې، ارواپوهنې، ادبیاتو او ټولنیزو علومو محصلینو، استادانو او څېړونکو لپاره ارزښتناک اثر دی او د ژبې د علمي درک لپاره نوې لیدلوري وړاندې کوي.
